15. Hodownika

„Přetož Jan je přišoł, njeje ani jědł ani pił, a woni praja, zo ma złeho ducha“ (Mt 11,18).

Štóž njejě a njepije móže to wšelakorych přičinow dla činić, snano chorosće abo tež rjanosće a swižnosće dla. Tajke posćenje móže tež strowotu wohrozyć. Ale posćenje jako pokuta za sebje samych abo jako próstwa na Boha za druhich, móže mnoho hnadow a dobrotow wuskutkować. Hdyž so w póstnym času posćimy, činimy to jako pokutu za swoje hrěchi, ale tež zo by so nam duchowne wusměrjenje na Boha wobnowiło.

S. Chrystamarija