19. požnjenca

Nichtó njezaswěći swěcu a zawodźeje ju z horncom abo staji ju pod łožo, ale postaji ju na swěčnik, zo bychu wšitcy, kiž zastupja, swětło widźeli. (Lk 8,16)

Kóždy čłowjek, wšě rostliny a zwěrjata žedźa so za swětłom. Mnoho ludźi jědu do juha na dowol, dokelž tam słónčko najčoplišo swěći. Jězus mjenuje so swětło swěta. Jeho słowo rozswětli nas a pokaza nam puć do njebjeskeho kralestwa. Naš nadawk je, jeho wozbožace poselstwo do swěta njesć a jeho słowa a skutki wozjewjeć.

S. Chrystamarija