14. požnjenca

A kaž je Mójzes hada w pusćinje powyšił, tak ma Syn čłowjeka być powyšeny, zo by kóždy, kiž do njeho wěri, w nim wěčne žiwjenje měł. (Jan 3,14-15)

Wjeselimy so, hdyž snano dźěći w šuli najlěpše znamki dócpěja abo su na sportnišću wuspěšni. Jězus, Boži Syn, jako čłowjek k nam přišedši so za nas poniži a na křižu smjerć přećerpi, zo by nas powyšił a nas za swojich přećelow činił. Wón pokaza nam, hdźe mamy naše zbožo pytać. Wón wjedźe nas k woprawdźitemu a dospołnemu žiwjenju.

S. Chrystamarija