15. nazymnika

„Jězus přińdźe do Jericha a dźěše přez město. A hlej, bě tu muž z mjenom Zachej, tón bě wyši cłownik, a bě bohaty. A rady by Jězusa wohladał, štó wón je, ale njemóžeše přez lud, dokelž bě małeje postawy“ (Lk 19,1-3).

Zachej je cłownik a bohaty. Swoje bohatstwo je snano přez to nakopił, zo bě sej wjace pjenjez na hranicy kazał. Cłownicy běchu pola židow jako hrěšni wuwołani. Zachej pak chce Jězusa widźeć. W nim je žadosć za dobrym. A Jězus spjelni jeho žadosć a so samo jako hósć w jeho domje přizjewi. A to Zacheja dospołnje přeměni. Tak Jězus tež z nami wobchadźa, hdyž so jemu jako hrěšnicy dowěrimy.

S. Chrystamarija