26. Hodownika

„Hladajće pak so ludźi, dokelž budźeja was na sudnistwa honić a w swojich synagogach šwikać“ (Mt 10,17).

W dźensnišim ewangeliju słyšimy wo předpowědźenju přesćěhanjow křesćanow. A wopawdźe bě to takle. W běhu stawiznow dožiwichu wučomnicy Jězusa Chrystusa wšelakore formy namocy. To pak njeměješe jenož negatiwne wuskutki. Hustodosć sta so krej křesćanow z nowym wusywom, kotryž přinjese bohate płody, a to hižo wot spočatka křesćanstwa.

DJD