4. Róžownika 1521 zadźeržachu wobronjeni mužojo wóz Martina Luthera a sćahnychu jeho z njeho.
To běchu ludźo Sakskeho knježka Friedricha Mudreho (1463-1525).
Tole pak njebě rubjenja, ale wumóženja dla, dokelž bě žiwjenje Luthera poměrnje wohrožene.
Takle bu Martin do Wartburga pola Eisenacha dowjezeny.
Tam přiwza wón mjeno Junker Jörg a da sej włosy a brodu rosć. A to wšitko z přičiny konspiracije, zo njeby lochko k zeznaću był.
Tam zwosta Luther hač do 1. Nalětnika 1522.
Njebě to pak čas dowola.
Tehdy mjenujcy nasta přełožk Noweho Zakonja z grjeksćiny do němsćiny. A to w poměrnje krótkim času. Za to trjebaše Luther tak někak jeno 11 měsacow.
To pokazuje na njeho jako pilneho a kmaneho přełožowarja. Lutherowy přełožk Noweho Zakonja bu w Požnjeńcu 1522 wudaty.
DJD