Wy sće tu: Reformacija 500 / Wosobinski kontakt z Bohom

Wosobinski kontakt z Bohom

Hesła sola fide, sola gratia a sola Scriptura předstaja derje zaměr Lutheroweje reformacije.

Tola Martin Luther njeje so jeno wo to starał.

Za njeho bě wažne tež to, zo ma kóždy čłowjek personalny a direktny kontakt z Bohom.

Tutu ideju předstaja jara derje wobraz Lucasa Cranacha Staršeho Jězus a mandźelstwołamarka.

Hlej: http://de.wahooart.com/@@/8XYG2D-Lucas-Cranach-The-Elder-Christus-und-die-Ehebrecherin.

Na nim widźimy Jězusa a žonu wobdatej wot muži.

Wona je hrěšnica a mužojo chcedźa ju kamjenjować.

Tola Jězus to njedowoli a přimnje ju za ruku.

Mjenujcy tuta na prěni pohlad cyle jednora gesta zwuraznja jara hłuboku teologisku ideju: W kontakće z Bohom njetrjeba čłowjek posrědnikow.

Z jedneje strony haj, ale z druheje nic, dokelž bjez pomocy druhich njebychmy ničo wo Jězusu Chrystusu, kotrehož njesmy wosobinsce zeznali, wědźeli. Wón dźě běše w hinašim času žiwy na zemi.

DJD

© D. Dzikiewicz, M. Nawka, D. Matik 2018 | Datenschutzerklärung