Wy sće tu: Reformacija 500 / Reformacija a čakanje na kónc swěta

Reformacija a čakanje na kónc swěta

Reformacija Martina Luthera je so poradźiła, dokelž přinošowachu k tomu wjacore faktory.

Wo tym je so hižo na SPDE pisało.

Tola njeběchu tam wšitke zakłady wuspěcha Luthera naličene.

Tuž by so móhło k tomu hišće jedna přičina pomjenować, a mjenujcy to, zo knježachu we wonym času w Cyrkwi eschatologiske napohlady.

To rěka, je so čakało na bórzomny kónc swěta a ludźo běchu na nabožne temy jara čućiwi a za nje wotewrjeni.

Tohodla namaka Lutherowa Refomacija poměrnje dobru pódu za rozšěrjenje jeje idejow.

Ale čehodla běchu tajke napohlady rozšěrjene?

Wotmołwa je poměrnje jednora.

Za to mamy dwaj podawkaj před wočomaj.

Najprjedy ma so dopomnić na to, zo bu na spočatku 5. lětstotka datum stworjenja swěta wuličeny. To zdokonjachu dwaj chronistaj w Egyptowskej Aleksandriji: Panodoros a Anonnios. Po jeju měnjenju je so to před 5493 tysac lětami do Chrystusa stało.

A druha kedźbyhódna wěc je ta, zo je pola Boha, kaž to praji Biblija, jedyn dźeń runja tysac lět a tysac lět je kaž jedyn dźeń (2 P 3,8).

Jelizo potajkim stwori Bóh swět w běhu šěsć dnjow a na sedmym wotpočnje, to rěka, zo ma stworjeny swět jeno 7 tysac lět wobstać.

A dokelž bu wón hižo pěd 5493 tysac lětami do Chrystusa stworjeny, to je za jeho kónc jeno 1507 lět zwostało.

A to su dokładnje Lutherowe časy. Reformacija je so dźě w lěće 1517 započała.

DJD

© D. Dzikiewicz, M. Nawka, D. Matik 2018 | Datenschutzerklärung