Wy sće tu: Reformacija 500 / Facebook Martina Luthera

Facebook Martina Luthera

Martin Luther bě z wótcom reformacije.

Tola pak njeby ta bjez pomocy jeho přiwisnikow móžna była.

Jedyn z nich běše sławny moler Lukas Cranach Starši (1472-1553) – přećel Martina, swědk jeho wěrowanja z Katharinu von Bora (1499-1552) a kmótr jeju prěnjeho dźěsća Jana.

To, štož Luther wučeše – Cranach molowaše.

Jeho wobrazy hodźa so do dweju kategorijow zrjadować: Kritiskeje a powučaceje.

Wobrazy kritiskeje kategorije kritizowachu katólsku Cyrkej a wobrazy powučaceho dźěla rozšěrjachu hłowne ideje reformacije.

Na přikład na jednym z nich, kiž słuša do tuteje druheje kategorije, su předstajene tři epizody.

Na lěwym róžku steji skupina přiwisnikow Luthera a mjez nimi je jeho mandźelska, małki syn a Cranach sam. Woni reprezentuja Lutherowe hesło sola fide – jeno wěra.

W centrumje wobraza wisa na křižu Jězus Chrystus. Z tym so zwurazni hesło sola gratia – jeno hnada.

A na prawym boku wobraza so předstaja Luther sam, kiž stejo na klětce čita a wujasnja Bibliju. Tule dźe wo hesło sola Scriptura – jeno Pismo.

Tutón wobraz wisa dźensa w cyrkwi we Wittenbergu, ale je tež w interneće přistupny.

Hlej: eichinger.ch/eichifamilyhom/Reisen/Deutschland/Start_Wittenberg.htm.

We wonym času wukonješe protestantska mólba Cranachu funkciju dźensnišeho facebooka.

To bě wažny přinošk za rozšěrjenje idejow Protestantizma.

DJD

© D. Dzikiewicz, M. Nawka, D. Matik 2018 | Datenschutzerklärung