Tute rubiško so hiba

Česćeni redaktorojo SPDE, sym sej Waš kwis čo. 3 (Zajimawostka póstneho rubiška z Klóštra) přečitała a sej póstne rubiško z klóstra Marijina Hwězda w Pančicach-Kukowje wobhladała a sym zwěsćiła, zo je jedna wosebitosć na tutym wobrazu: Jězus ma wokoło bjedrow rubiško, kotrež je trochu hinaše hač druhe bjedrowe rubiška skřižowaneho Jězusa Chrystusa. Tute rubiško so hiba kaž by wětřik přez nje duł. To mje dopomina na Swjatki, hdźež duješe tež sylny wichor a na japoštołow přińdze we wichoru Duch Swjaty. Tuž móhło tute bjedrowe rubiško Jězusa na to pokazać, zo je Jězus wumrěwši na křižu hižo hnydom Ducha Swjateho pósłał a pozdźišo Swjatki wězo tež.

Hańža Hadankec