8.12.1965 zakónči so swjatočnje II. Watikanski koncil. Rozsudy a pokiwy koncila w žiwjenju křesćanow zašćěpić, je nadawk, kotryž je nadal wužadanje za kóždeho z nas. Wo jednym z nich čitamy w Dogmatiskej konstituciji wo Božim zjewjenju – Dei verbum takle:
„Swjata teologija wotpočuje na spisanym słowje Božim, zhromadnje ze Swjatej Tradiciju, kaž na zwostawacym zakładźe. W nim nabywa wěstu sylnosć a so stajnje womłodźa, hdyž wšitke w potajnstwje Chrystusowym wobzamknjene wěrnosće w swětle wěry přeslědźa. Swjate pisma wobsahuja słowo Bože a, dokelž inspirowane, su woprawdźe Bože słowo. Tohodla njech je zaběra z tutej swjatej knihu kaž duša swjateje teologije“ (DV 24).
Internetowa strona www.swjate-pismo.de chce wonu zaběru podpěrać za dušiny dobytk. Chcemy po swojich kmanosćach a móžnosćach znosyć, štož ma swój zakład w Swjatym Pismje. Hač su to wudate přełožki Biblije, jednotliwe nastawki, wobrazy bibliskich motiwow (ikonografija), literarne wobjednawanja, wosobinske dožiwjenja abo namjety za hinaše a lěpše přełožki – tež jenož jednotliwych słowow – a podobne, wšitko njech słuži k spomóženju! A kóždy smě so słowa jimać a přinošować, zo sej zdobywamy wěstosć we wěrje.
MN / DJD
Jutry | Zmortwachstanjenje jako zawěsćenje dźědźinstwa (DJD) | To wěš: Lk 24,13–35 |
Njedźela Božeje miłosće | Božo, daj mi Će póznać! (GN) | To wěš: Jan 20,19–31 |
3. Jutrowna njedźela | K Jězusowej přitomnosći słuša połnosć (GW) | To wěš: Jan 21,1–19 |
4. Jutrowna njedźela | Mjez hadom a wowcu (DJD) | To wěš: Jan 10,27–30 |
5. Jutrowna njedźela | Hač je nastroj z milinu zwjazany? (GN) | To wěš: Jan 13,31–33a.34–35 |
6. Jutrowna njedźela | Rady přiwzać, chutnje dźeržeć a swěrnje dodźeržeć (TAD) | To wěš: Jan 14,23–29 |
Božeho spěća | Bože Spěće a ikonografija (DJD) | |
7. Jutrowna njedźela | Kolektiwny niwow wěry (DJD) | To wěš: Jan 17,20–26 |
Swjatki | Njech Duch wobnowi łužisku zemju! (TAD) | To wěš: Jan 20,19–23 |