Wy sće tu: Forum / 2018 / K listej knjeza Pohonča

K listej knjeza Pohonča

Najprjedy zapłać Bóh tón Knjez za Waš list! To je cyle zwjeselace, zo so někotři mjez Serbami k poskićenej diskusiji na stronje SPDE k temje Wótčenaš přidruža, wosebje ludźo z teologiskim wukubłanjom.

Waše wobkedźbowanja su cyle prawe. Jězus wužiwaše wšědnje aramejsku rěč. Dopokaz toho su někotre aramejske słowa, zapisane w ewangelijach, kaž na přikład abba a Eloj, eloj, lamma sabachtani. Tohodla ma aramejska rekonstrukcija někotrych wuprajenjow swój logiski zmysł a woprawdźe pomha grjekski tekst lěpje zrozumić. Wo tym je so na stronje SPDE hižo pisało (hlej nastawk Prědowanje na horje abo na runinje? w rubrice Bibliske kuriozity z liturgiskeho lěta 2016/17).

Tola njesmě so tež to zabyć, zo je za nas zawjazowacy jeno grjekski tekst Noweho Zakonja: Wón dźě je přez Ducha Swjateho inspěrowany. Tuž so dźěła jenož z nim a z njeho so wuwučuje. Aramejske rekonstrukcije, kaž bu prajene, su witane, ale njesmědźa wone wočiwidne wuprajenja grjekskeho teksta šmórnyć abo jich zmysł přeměnić. Z aramejskej rekonstukciju próstwy Njewjedź nas do spytowanja mamy dokładnje tajki pad.

DJD

© D. Dzikiewicz, M. Nawka, D. Matik 2018 | Datenschutzerklärung