Što rěkaja pismiki C + M + B?

Při domuswjećenju so pisaja na durjach abo na jeju wudwjernjach pismiki C + M + B.

Jich zmysł so pak wšelakoro rozkładźe.

Dwě wujasnjeni stej klasiskej.

Po měnjenju jednych poćahuje so to na mjena tak mjenowanych třoch kralow Caspara, Melchiora a Baltasara.

A po měnjenju druhich rěkaja wone Christus mensionem benedicat, štož so přełoži jako Chrystuso, žohnuj tutón dom!

To njeje pak posłowny přełožk, dokelž łaćonske słowo mensa njerěka dom, ale blido.

Tuž město naspomnjeneho přełožka C + M + B by rěkało Chrystuso, žohnuj blido! A dokelž blido je srjedźišćo swójbneho žiwjenja, by móhło wono symbolizować tohorunja cyłe domske.

DJD