Wy sće tu: Bibliske kuriozity / LL C 2018/19 / Hosanna

Hosanna

Hosanna je jedne z najwažnišich słowow Bołmončki. Hebrejsce klinči wono jako hošianna a ma zasadnje dwaj woznamaj: próstwy a chwalby.

Na přikład w Ps 118,25 woznamjenja wono próstwu: „Pomhaj [hošianna], Knježe, a daj, Knježe, zo by so poradźiło“ a w Mt 21,9 chwalbu: „Syły pak, kiž dźěchu před Jězusom a za nim, wołachu: Hosanna Synej Dawidowemu! Žohnowany, kiž přichadźa w Knjezowym mjenje! Hosanna we wysokosćach!“.

Tak to znajmjeńša so praji w padźe wužiwanja tuteho słowa w Nowym Zakonju.

Z jednej strony to přitrjechi. W Mt 21,9 ma hosanna woznam chwalby.

Tola zmysł próstwy w grjekskim teksće je tohorunja prezenty, dokelž je móžno sadu Hosanna to huio Dauid! tež jako Wumóž [nas]přez Syna Dawida! přełožić.

DJD

© D. Dzikiewicz, M. Nawka, D. Matik 2019 | Datenschutzerklärung