Wy sće tu: Bibliske kuriozity / LL A 2016/17 / Najstarši tekst Dekaloga na kamjentnej tafli

Najstarši tekst Dekaloga na kamjentnej tafli

Dnja 16. Nazymnika 2016 bu w USA na jednej aukciji kamjentna tafla z tekstom Dekaloga předata.

Startowa płačizna bě 250 000 $. Tola na kóncu je k sumje 850 000 $ přisło.

Naspomnjena tafla bu w lěće 1913 w Jawne w Israelu namakana.

Tutón artefakt pochadźa ze IV. lětstotka.

Na nim steji tekst X Božich kaznjow, ale tróšku hinaši kaž tón, kotryž znajemy z Eks 20,1-17 a Dt 5,1-21.

Na přikład město kaznje „Njewonječesćuj mjeno Jahwy, swojeho Boha [...]“ (Eks 20,7) čita so tam wo přeprošenju k modlitwje na horje Garizim.

Hora Garizim, kaž wěmy, bě a je pola Samaritanow wosebje česćowana (Jan 4,20). Tuž z toho sćěhuje, zo předstaja ta tafla samaritanisku warjantu Dekaloga.

Namakany tekst je wosebje wažny za zrozumjenje stawiznow wuwića Božich kaznjow. 

Wjace wo tym hlej:

edition.cnn.com/2016/11/15/arts/10-commandments-tablet/;

synopsa.pl/siedem-wersji-dekalogu/.

DJD

© D. Dzikiewicz, M. Nawka, D. Matik 2018 | Datenschutzerklärung