Mjezynarodne towarstwo Evangelizo, kotrež so z rozšěrjenjom Ewangelija na swěće prez internet zaběra, poskići wot nětka nowu aplikaciju za wšelakore digitalne nastroje typa android.
Aplikacija wobsahuje wšědne bibliske čitanja, kotrež so w běhu cyrkwinskeho liturgiskeho lěta čitaja.
Nimo toho nadeńdźemy tam tohorunja někotre komentary pochadźace na přikład z pismow Wótcow Cyrkwje kaž tež krótke biografije swjatych.
Aplikacija Evangelizo je w 13 wšelakich rěčach přistupna (tež němsce) a je bjezpłatna (wjace: evangelizo.org; orygenes.pl).
Renje by było tajke něšto tohorunja w hornoserbšćinje měć.
DJD