Tři niwowy wuprajenja „Jězusowe ćěło“
Zeleny štwórtk dopomina na prěnju Božu mšu, kotruž Jězus krótko do swojeje smjerće załoži a swjećeše. Tam poskići wón tež sebje samoho w eucharistiskim chlěbje. Tuž wuprajenje Jězusowe ćělo měni najprjedy swjate woprawjenje – realnu prezencu sčłowječeheho Syna Božeho. Tola nic jenož. Wuprajenje Jězusowe ćěło woznamjenja tohorunja historiskeho Jězusa, kotryž, kaž napisa swjaty Jan, sta so mjaso (Jan 1,14). Zaso pak nic jeno to. Wuprajenje Jězusowe ćěło so poćahuje tež na Cyrkej, kotraž je přez swjateho Pawoła jako potajne Jězusowe ćěło mjenowana (1Kor 12,27; Ef 1,23).
DJD
