W prěnim kapitlu Knihi Genesis so rěči wo stworjenju swěta. Njeje to pak žana přirodnowědna, ale teologiska perikopa. Z jednym dopokazom toho su někotre zwiski tuteje podawizny z tekstami w kotrychž so naspomni Jerusalemskim templ.

Na prikład w Gen 1,6 so praji wo stworjenju njebjeskeho firmamenta. Hebrejsce rěka wón raqia. Samsne słowo so wužiwa w Ps 150,1 za Jerusalemski templ. W Gen 1,15 so čita wo njebjeskich swěcach: Wo słóncu a měsačku. Hebrejsce klinči to jako maorot. Samsny wuraz so wužiwa w Knize Lewitikus 24,2 za lampy, wužiwane w Jerusalemskej swjatnicy. Stworjenje swěta wotmě so w běhu 7 dnjow. To je tež ličba časa twarjenja Jerusalemskeho templa: Wón je so 7 lět twarił (1 Kral 8,65).

Tute naspomnjene zwiski njejsu připadne. Prěnja podawizna wo stworjenju swěta nasta w VI.–V. lětstotku. To běchu časy Babylonskeho wuhnanstwa, ale tež zničenja Jerusalemskeje swjatnicy. Tohodla awtorojo, kiž pisachu tutón tekst, chcychu pokazać, zo eksistuje hišće jedyn, přez Boha Jahwu natwarjeny, templ, kiž my dźensa mjenujemy uniwersum.   

DJD