Bóh tón Knjez stwori swět w běhu šěsć dnjow. Tak to znajmjeńša praji Gen 1,1–2,4a. Tola tute dny wučinichu wěste pory:
Prěni dźěše zhromadnje ze štwórtym, druhi z pjatym a třeći ze šěstym.
Wopodstatnjenje toho tči w tym, zo štož bu w běhu prěnich třoch dnjow (1, 2, 3) stworjene, to so potom w přichodnych třoch dnjach (4, 5, 6) wukmanja a dale wuwiwa.
Šematisce wupada to takle:
1. dźeń | swětło | 4. dźeń | słónco, měsačk, hwězdy |
2. dźeń | woda a njebjeski firmament | 5. dźeń | wódne stworjenja a ptaki |
3. dźeń | zemja | 6. dźeń | zwěrina a čłowjek |
DJD