Sławny šotiski adwokat a spisowaćel Walter Scott (1771-1832) poprosy na smjertnym łožu, zo by jeho přichodny syn jemu něšto z knihi přečitał. Na to so tón prašeše, kajku knihu wón měni?

Wotmołwa Scotta běše sćěhowaca: Ja přeju sej Bibliju. Wona je dźě jenička kniha čłowjestwa.

A woprawdźe je to tak. Swjate Pismo je cyle wosebite literarne dźěło, kotrež ludźo spisachu. Dosaha hižo, zo so mysli jeno na jeje nastaće. Wono wotmě so w běhu dołheho časa, kiž traješe něhdźe 1500 lět.

Biblija bu tež wot mnohich awtorow napisana. Na njej dźěłaše wokoło 50 spisowaćelow, kotřiž ju tworjachu na třoch kontinentach: w Africe, Aziji a Ewropje. A to we wšelakorych žiwjenskich wobstejnosćach. Na přikład Mójzes w pusćinje, kral Dawid w palasće, profet Jeremia a swjaty Pawoł w jastwje, Lukaš po puću a Jan na jednej kupje etc.

Awtorojo Biblije pochadźachu tež ze wšelakich socijalnych kruhow a mějachu najwšelakoriše wukubłanje: Mójzes politikar a prawiznik, Josue – wojak, Salomon – mudrowc, Amos – pastyr, Nehemia – sekretar, Pětr – rybak, Matej – cłownik, Lukaš – lěkar, Pawoł – rabi atd.

Njehladajo pak na tute naspomnjene formy wšelakorosće je so bibliskim awtoram wuznamne literarne dźěło poradźiło, kotrež je dźensa nimale po wšěm swěće znate a nic jeno mjez wěriwymi ludźimi.

DJD