Monarchija w Israelu

Po Božim planje dyrbješe w Israelu teokratija – Bože knjejstwo – być. Tola Israelića rozsudźichu so hinak. Něhdźe w lěće 1030 wuzwolichu sej swojeho prěnjeho krala. To bě Saul. Wón knježeše někak 20 lět. Po nim so posydny na kralowski trón sławny Dawid. Jeho knjejstwo traješe wokoło 40 lět. Na to přińdźe čas knježenja mudreho Salomona, a to něhdźe hač do 930. Běchu to časy tak mjenowaneho zjednoćeneho kralestwa. Po smjerći Salomona rozpadnje wono do dweju dźělow. Nastaštej knjejstwi Sewjerne a Južne. Sewjerne so mjenowaše Israel a južne – Juda. Sewjerne přetra hač do lěta 722 do Chrystusa a Južne do 587. W Israelu knježachu wšelakore dynastije a w Judźe jeno kralojo z Dawidoweho splaha. Kralowska institucija bu hakle w 2. lětstotku do Chrystusa zaso postajene, ale běchu to kralojo z Hasmonejskeho rodu a pozdźišo nastachu časy kralowanja Herodesa Wulkeho, kotryž njebě židowskeho pochada. Wón bě Idumejan.

DJD