W lěće 1960 bu w Swjatym kraju w městnosći Tel Arad, ležacej při zapadnej stronje Mortweho morja, jedna hlinjana taflička namakana.

Na jeje „wonkownej” stronje wučitachu wědomostnicy wěste financne wobličenja zwjazane z wójskom, kotrež bě stacijónowane w naspomnjenej wokolinje něhdźe w VI. – V. lětstotku do Chrystusa.

„Nutřkowna” strona taflički, kaž sej myslachu tehdy wědomostnicy, bě prózdna.

Před krótkim pak je so pokazało, zo njeje to tak.

Dźakowano nowym technologijam, wučitachu wědomostnicy tež na tutej „nutřkownej” stronje wěsty tekst, kotryž njebě z čłowjeskim wokom scyła widźomny.

Kaž so pokaza, je to list, kotryž napisa wojak Hananjahu na swojeho přećela.

W tutym lisće dźe wo wšelakore wěcy, tež wo financne, ale nic jenož. Naspomnjeny wojak slubi, zo wostanje ze swěrnym přećelom wěsteho Eljašiwy, a prosy, a to dwójce, na spočatku a na kóncu swojeho lista, wo pósłanje wina.

Kaž je z toho widźeć, wino pobrachowaše nic jeno kwasowarjam, wo kotrychž starosćeše so Jězusowa mać (Jan 2,1-12), wono bě tohorunja při wojowanju trěbne.

Wjace tu.

DJD