Papyrus P134

Dnja 21. nowembra 2015 na konferency Towarstwa bibliskeje literatury (Society of Biblical Literature) w Atlanće bu papyrus P134 předstajeny.

Wón wobsahuje jedyn fragment Ewangelija po Janu, dokładnje 1,49 – 2,1. To je dialog Jězusa z Natanaelom a spočatk podawizny wo kwasu w Kanje Galilejskej.

Papyrus so datuje na lěto 250-350 po Chrystusu, a je na woběmaj stronomaj zapisany, štož njebě w tehdyšim času z wašnjom.

Hišće jedna wosebitosć tutoho teksta tči w tym, zo so Bóh nic jako skrótšenka, ale jako połne słowo wupisa.

Po měnjenju wědomostnikow nasta P134 při zwučowanju pisanja.

DJD