Mozaik přeprěčenja Čerwjeneho morja

Před někotrymi tydźenjemi bu na stronje SPDE informacija wo nowonamakanych mozaikach w jednej Gallejskej synagodźe wozjewjena.

Mjez druhim bě tam naspomjene, zo je na někotrych z tutych mozaikow motiw přeprěčenja Čerwjeneho morja předstajeny.

Na přikład, je tam widźeć jedyn so tepjacy egyptowski wojak.

Wón pak njehinje jenož mórskich žołmow dla. K jeho smjerći přinošuje tohorunja jedna wulka ryba (<LINK biblicalarchaeology.org/exhibits-events/samson-in-stone/>biblicalarchaeology.org/exhibits-events/samson-in-stone/</link>).

To je poměrnje zajimawa interpretacija bibliskeho teksta, kiž powědajo wo zatepjenju faraonoweho wójska w Čerwjenym morju ryby njenaspomni. Po bibliskej podawiznje tči přičina poražki Egyptowskich wojakow přesćěhacych Israelitow jenož w jich pokryću z wodami morja (Eks 14,26-31).

Naspomnjena wojaka póžěraca ryba by móhła po mojim zdaću ideju pomocy přirody při wumóženju čłonow wuzwoleneho ludu zwuraznić.

Tola tajku pomoc žadaše sej Jahwe Bóh jenož wot morja, ale nic wot rybow. To bě mółrjec jich personalna iniciatiwa. Natura jako Boža stwórba ma tež swój podźěl na wumóženju ludźi.

Jedyn, do Jězusa Chrystusa wěrjacy čłowjek, by móhł w tutej rybje samo wobraz časow Noweho Zakonja widźeć. Ryba je dźě jedyn ze starodawnych symbolow křesćanstwa.

Wězo tworićeljo tutych syngogiskich mozaikow to tak njewidźachu. Tola my křesćenjo směmy to takle interpretować, dokelž bu Nowy Zakoń přez Stary předpowědźeny.

DJD