Hołb je jedyn z najbóle znatych křesćanskich symbolow.
Najčasćišo woznamjenja wón třeću wosobu Najswjećišeje Trojicy – Ducha Swjateho (Mt 4,16).
Wón bě wězo tež hižo w starozakonskich časach znaty, na přikład symbolizowaše wuzwoleny lud (Oz 7,11).
Nic pak jenož.
Archeologiske namakanki dopokazaja, zo bě tutón symbol hižo w starodawnym Rańšim wuchodźe znaty.
Wón woznamjenješe přibohowku płódnosće a bu na wšelakorych wěcach předstajeny, na přikład na małkich hlinjanych swjatnicach, pochadźacych z epochi železa, jako sedźacy horjeka nad zachodnymi durjemi.
A z kupy Cyper pochadźeja tohorunja předstawy małkich swjatnicow wobdate kołowokoło z hołbjencami.
Symbolika hołbja bu tež pola starodawnych Romjanow rozšěrjena.
Su znate na přikład figury přibohowkow Venus a Fortuny, na kotrychž je hołb w ruce abo na hłowje naspomnjeneju přibohowkow předstajeny.
To wšitko pokazuje, kak wjele ma Křesćanstwo z druhimi nabožinami zhromadneho!
DJD