Pjeršćeń Pilatusa?
Něhdźe před 50 lětami namakachu archeologojo we wokolinje Betlehema w Swjatym Kraju jeden pjeršćeń. Wón je z bronzy wudźěłany. Na nim je wobraz a nadpismo widźeć. Wobraz předstaja wazu a nadpismo rěka: PILATO. Tute słowo bu hakle před krótkim wučitane. Wono pokazuje, zo słušeše pjeršćeń wěstemu Pilatusej. Hač je z tym bibliski Pilatus měnjeny njeje jasne. Tola pochadźa pjeršćeń tež ze samsneho časa, tuž z I. lětstotka po Chrystusu.
DJD