Wy sće tu: Biblija a ... / Medije / Biblioteka klóštra swjateje Katyrny

Biblioteka klóštra swjateje Katyrny

Před krótkim je so na stronje SPDE wo klóštrje swjateje Katyrny, ležacym při horje Sinai pisało.

Wón, kaž so tam naspomni, je předewšěm z tak mjenowaneho Codex Sinaiticus, kotryž bu wot Konstantina Tischendorfa (1815–1874) w lěće 1844 namakany, znaty.

Tola njeje tutón kodeks Swjateho Pisma jenička kniha z tutym městnom zwjazana.

Klóštr swjateje Katyrny ma tež wulku biblioteku, kotruž přesahuje snadź jeno kolekcija Vatikanskeje biblioteki.

Wot lěta 1950 bu proces digitalizowanja tuteje biblioteki zahajeny.

Wědomostnicy wuzwolichu něhdźe 1700 starodawnych a najbóle znatych rukopisow a započachu je do elektroniskeje formy zestajeć.

Dźensa dawa za to samo jedna internetna strona.

Wona je wězo předewšěm za wědomostnikow, tola kóždy čłowjek móže ju gratis wočinić a znajmjeńša starodawne rukopisy sej wobhladać.

Wjace hlej stronje loc.gov a orygenes.pl.

DJD

© D. Dzikiewicz, M. Nawka, D. Matik 2018 | Datenschutzerklärung