Wy sće tu: Biblija a ... / Literatura / Dary Mudrych a žiwjenje prěnich křesćanow

Dary Mudrych a žiwjenje prěnich křesćanow

Na prěni pohlad klinči tute nadpismo poměrnje spodźiwnje. Jich dary maja dźě wjace z Jězusom hač ze žiwjenjom prěnich křesćanow činić. Wone rozjasnja potajnstwo Jeho bytosće: Złoto symbolizuje Jeho kralowsku dostojnosć, kadźidło – bójskosć a myra pokazuje, zo budźe Wón tradacy Messijas.

Tola maja tute dary tež něšto zhromadneho z prěnimi křesćanami. Woni běchu cyle skromnje žiwi, předawajo swoje wobsydstwo, rozdźělejo je potrjebnym a mějo wšitko zhromadnje. Předznamjo toho by so móhło w darach Mudrych widźeć, kiž njewěšćachu jenož wo Jězusu, ale tež wo křesćanskim žiwjenju.

Ani Strary Zakoń ani Jězus Chrystus njejstaj sej něšto tajkeho wot swojich wěriwych žadałoj. Wo potrjebnych je so dyrbjało starać, tola nic zhrohadne wobsydstwo měć (Lev 23,22). Tajke jednanje bu najskerje wot bliskeje Paruzije (2. přichad Knjeza na kóncu časa) wobliwowane.

Podobnje činjachu tak mjenowani Essenojo. Wo tym pisa na přikład Josefus Flavijus w knize wo židowskej wójnje (II, 8, 3). Woni sej tež myslachu, zo běchu w poslednich časach čłowjestwa žiwi. 

DJD

© D. Dzikiewicz, M. Nawka, D. Matik 2019 | Datenschutzerklärung