Wy sće tu: Biblija a ... / Archeologija / Titusowy wobłuk w barbach

Titusowy wobłuk w barbach

Na Forum Romanum w Romje su wšelakore stawizniske pomniki abo powostanki. Jedyn z nich je tak mjenowany wobłuk Titusa. Wón bu w lěće 81 postajeny jako dopomnjenka na dobyće Romskeho mócnarstwa přećiwo wuzwolenemu ludej w Romsko-Židowskej wójnje, kotraž traješe wot 66 hač do 73. Wobłuk Titusa je z wšelakorymi relijefami wurězbany. Wone předstajeja sceny z naspomnjeneje wójny, ale tež epizody ze swjećenja dobyća, kaž na přikład swjatočny prócesijón, kotryž wotmě so w Romje po zakómčenju wójny. W nim ćahnu ludźo, kiž njesu někotre wójnske dobytki a jedyn z nich je sydomdźělny swěćnik – menora. Štóž sej dźensa wobhlada wobłuk Titusa tón widźi naspomnjene relijefy jeno jako šěrobarbne. Tola njebě to přeco takle. Před krótkim dopokazachu wědomostnicy, zo mějachu tute relijefy barbne wudebjenje. Někotre rekonstrukcije hlej tu: http://religionnews.com/2017/04/25/coloring-in-the-troubled-history-of-a-renowned-roman-arch/.

DJD

© D. Dzikiewicz, M. Nawka, D. Matik 2018 | Datenschutzerklärung