Wy sće tu: Biblija a ... / Archeologija / 2018 / Křesćanski amulet

Křesćanski amulet

Ewangelij hojenja po Mateju

A Jězus chodźeše po Galileji wučo a prědujo radostne poselstwo wo kralestwje a wustrowješe kóždu chorosć a wšitku hubjenosć mjez ludom. A powěsć wo nim roznjese so po wšej Syriskej, a woni znosychu jemu wšitkich chorych a Jězus jich hoješe.

Předležacy fragment dopomina na perikopu Mt 4, 23-24, tola njepochadźa z prěnjeho kanoniskeho ewangelija. Na to pokazuja wočiwidne rozdźěle. Kanoniski tekst je dlěši: „Potom chodźeše po wšej Galileji wučo w jich w synagogach a prědujo radostne poselstwo wo kralestwje a wustrowješe kóždu chorosć a wšitku hubjenosć mjez ludom. Powěsć wo nim roznjese so po wšej Syriskej. Přinošowachu jemu wšitkich chorych, kiž mějachu najwšelakoriše chorosće a čwěle, tež wobsydnjenych, naměsačnych a wićiwych a wón jich wuhoji“.

Tohorunja spodźiwnje klinči nadpismo tuteho wotrězka: Ewangelij hojenja. Kanon Noweho Zakonja njeznaje tajke pomjenowanje. To samsne płaći za nowozakonske apokryfy. Tež mjez nimi njeje žana tajka kniha.

Wotkal pochadźa potajkim tutón tekst? To je tak mjenowany amulet z VI.–VII. lětstotka po Chrystusu (namakany w 1911 w Egyptowskej). Bě to wěc, kotrejž připisowachu ludźo magisku móc. W tutym padźe měješe wón křesćanski pochad. Z jeho hłownym nadawkom běše zakitowanje jeho wobsedźerja před wšelakimi chorosćami a to w Jězusowym mjenje. Z tajkimi padami wojowachu hižo wótcojo Cyrkwje, dokelž woprawdźita wěra njeby dyrbjała ničo zhromadneho z magiju měć.   

Wjace tu.

DJD

© D. Dzikiewicz, M. Nawka, D. Matik 2018 | Datenschutzerklärung