„Běchu hromadźe Syman Pětr a Tomaš, z přimjenom Dwójnik, a Natanael z Kany Galilejskeje a Zebedejowaj synaj a dwaj druhaj z jeho wučomnikow“ (Jan 21,2).
Jězus měješe žadosć, so wučomnikam pokazać. Haj chcyše, zo jeho jako Zrowastanjeneho zeznaja, zo bychu so tak we wěrje skrućili a sej dowěru do wšehomocy Boha wobchowali. Wězo zdaše so jim najprjedy jako cuzy. Tola jako pokaza so wulki popad rybow, zrozumichu wučomnicy, zo zamóže wón wjace, dokelž je Knjez wšeho. A dźe jemu wo to, zo w dowěrje do njeho wšitke strachi přewinyć zamóžamy.
GN