„Jězus chodźeše w templu w Salomonowym přitwarku“ (Jan 10,23).
Předležace hrónčko powěda wo přebywanju Jězusa w Jerusalemskim templu a wo jeho wuchodźowanju w Salomonowym přitwarku. Na prěni pohlad je to cyle jednora informacija. Tola by so z njeje móhła wěrnosć wo woprawdźitosći sčłowječenja Syna Božeho wučitać. Druha wosoba Swjateje Trojicy sta so z woprawdźitym čłowjekom, kotryž bu na wšelakore wašnja wobmjezowany: Trjebaše k jědźi, k piću, a začuwaše tež zymu. Mjenujcy to posledne je měnjene w sadźe powědacej wo wuchodźowanju Jězusa w Salomonowym přitwarku. To bě w nazymje, tuž běše poměrnje zyma a často dosć je so dešćowało, z tuteje přičiny wuzwoli Jězus Salomonowy přitwark, dokeklž měješe wón třěchu, tohodla běše tam ćoplišo.
DJD