„Jězus přińdźe do swojeho wótcneho města a wučeše jich w jich synagodze, tak zo so zadźiwachu a rěčachu: Wotkal ma wón tu mudrosć a móc?“ (Mt 13,54).
Na spočatku dźensnišeho sćenja so naspomni Jězusowy přichad do jeho wótcneho města, potajkim do Nazareta. Tuta informacija klinči najprjedy jeno jako biografiske naspomnjenje. Tola bychu so móhli w tym tež někotre teologiske mysle wučitać. A jedna z nich by rěkała, zo woznamjenja Jězusowe přińdźenje do wótcneho města jeho čłowjesku naturu, ale tež potajnstwo jeho bytosće. Wón měješe jako čłowjek swoje wótcne město, tola njeběše ani z kreje ani z wole mjasa, ani z wole muža spłodźeny. Z křesćanom je to podobne. Z jedneje strony je wón zemski, z druheje pak strony ma wón njebjeske staćanstwo.
DJD