„A hnydom wuńdźe Jězus ze synagogi a zastupi do Symanoweho a Handrijoweho domu z Jakubom a Janom“ (Mk 1,29).
Potajkim nic: Haj, potom! ale hnydom. Jězus hnydom jedna a konkretnje: Zastupi do Symanoweho a Handrijoweho domu. Jězus njejedna skradźu, wón njeje kuzłar. Štož wón čini, móže so widźeć dać. Tak nadeńdźeš jeho tu z Jakubom a Janom. To, štož je mi wažne, štož dyrbju sej stajnje zaso wuwědomić: To hnydom a to na městnje nima swój zakład w času a rumje, kaž ja to znaju. Jeho hnydom je z wěčnosće a jeho na městnje sym ja, cyle konkretnje. Jeli nětko chcu, zo na mni jedna, mam być jeho wučomnik.
MN