„Jědźachu a pijachu, ženjachu a wudawachu so hač do dnja, na kotrymž zastupi Noach do archi. Potom přińdźe lijeńca a zniči wšěch“ (Lk 17,27).
Na kóncu Nazymnika dopomina nas swjata Cyrkej na druhi přichad Jězusa Chrystusa. Přez to nas namołwja swójske žiwjenje wobmyslić hač smy naš nadawk, wot Boha daty, spjelnimy a jeho słowu w swěće skutkować dawamy. Crykej dopomina nas tež na to, zo so prašamy hač je naše žiwjenje jenož na swětne a materielne kubła wusměrjene? Abo je wono Bohu spodobne na dobro blišeho? Tak zo zamóžemy z radosću přichad Syna čłowjeka wočakować.
S. Chrystamarija