„Prošće, a da so wam, pytajće, a namakaće, kłapajće a wotewrje so wam!“ (Mt 7,7).
W našim wobswěće su mnoho ludźi, kiž chcedźa wšitko sami zdokonjeć. Cyrkej a Boha woni njetrjebaja. Wšak so jim tuchwilu derje dźe. Hdyž Boha prosymy, to prajimy z tym, zo Boha trjebamy. Pokazamy z tym tež, zo njeje naše žiwjenje njewotwisne a dospołne. Najhusćišo přednjesemy Bohu naše próstwy, hdyž nas někajka nuza trapi, ćeže we swójbje, z dźěćimi abo scyła někajka njepřezjednosć z blišimi. Jězus nas napomina, prošće a da so wam.
S. Chrystamarija